Հիմա, երբ մեր կրթահամալիրը ատեստավորման ենթակա ուսուցիչների վերապատրաստող ուսումնական հաստատություն է դարձել, ժամանակն է վերանայել մեր առարկայական ուսումնական նախագծերը և պարզել, թե արդյոք նրանք համապատասխանում են ընդունված կարգին և նշել ուղիներ, որոնցով մեր առարկայական նախագծերը ավելի ներկայանալի կդառնան:
Ներկայացնում եմ օտար լեզուներ դասավանդողների 2021-2022 ուստարվա առաջին ուսումնական շրջանի նախագծերը.
Իրինա Ապոյան – Ավագ դպրոց, անգլերեն
Իրինա Ապոյանը իր սովորողների հետ երեք համագործակցային նախագիծ է իրականացնում. Ռադիոթատրոն (Միջին դպրոցի հետ), Սովորող-սովորեցնող (Արևելյան դպրոց-պարտեզի հետ) և «Թարգմանիր»-ի հետ: Իրինա Ապոյանի նախագծերը ամբողջական կդառնան, եթե աշխատի այդ նախագծերի ներկայացման (ըստ կարգի) և հանրայնացման վրա:
Սիլվա Հարությունյան – Ավագ դպրոց, անգլերեն
Սիլվա Հարությունյանը Ավագ դպրոցի սովորողների համար ընտրում է սեփական մտքերը արտահայտելու մոտիվացնող թեմաներ և արդյունքում լինում են հրապարակումներ սովորողների բլոգներում: Սիլվա Հարությունյանի ուսումնական նախագծերը ամբողջական կդառնան եթե նա նույնպես աշխատի նախագծերի ներկայացման և հանրայնացման վրա: Դրանք արժանի են հանրայնացման:
Նունե Այդինյան – Ավագ դպրոց, անգլերեն
Նունե Այդինյանի «Մարդիկ, որ ոգեշնչում են մեզ – People who inspire us»-ը ամբողջական ներկայանալի ու կարգին համապատասխան նախագիծ է:
Հերմինե Գևորգյան – Ավագ դպրոց
Տաթևիկ Ալեքսանյան – Միջին դպրոց, անգլերեն
Անահիտ Մելքոնյան – Միջին դպրոց, անգլերեն
Աննա Գանջալյան – Հարավային դպրոց-պարտեզ, անգլերեն
Ամբողջական համագործակցային ներկայանալի նախագիծ է «Իմ տեղեկատվական մոլորակը – My Info Planet»: Փաստորեն այս նախագծի արդյունքը ուսումնական կայք է դարձել:
Անի Մրտեյան – Արևելյան դպրոց-պարտեզ, անգլերեն
Նարե Արիստակեսյան – Հյուսիսային դպրոց-պարտեզ, անգլերեն
Վալենտինա Թումանյան – Արևմտյան դպրոց-պարտեզ, անգլերեն
Հայկուհի Հովհաննիսյան – Արևմտյան դպրոց-պարտեզ, անգլերեն
Ռուզաննա Սարգսյան – Ավագ դպրոց, իսպաներեն
Մարիամ սարդարյան – իտալերեն
Բելլա Աբրահամյան – Քոլեջ, իսպաներեն
Դեռ ոչ բոլոր նախագծերն եմ մանրամասն ուսումնասիրել:
Ուսումնական նախագիծը կրթահամալիրի կարգին և նոր առարկայական չափորոշիչներին համապատասխան ձևակերպում պետք է ունենա.
- Նախագծի վերնագիրը
- Նախագծի նպատակը, որն իրական կյանքում հանդիպող մի խնդրի ձևակերպում է, որի լուծումը տալիս է նախագծի իրականացումը:
- Նախագծի իրականացման ժամկետները
- Մասնակիցները և աշխատանքի բաժանումը
- Նախագիծն իրականացնելու ընթացքում սովորողների կողմից ձեռք բերվող նպատակային գիտելիքները և հմտությունները
- Որոնողական, հետազոտական աշխատանքի նկարագրությունը
- Վերջնական արդյունքի (հոդված, պրեզենտացիա, տեսաֆիլմ, թարգմանություն, այլ) հանրային ներկայացում-պաշտպանություն
- Անդրադարձ. սովորողների, դասավանդողների, ծնողների, մասնախմբի, հրավիրյալ փորձագետների ամփոփում և գնահատում (այս կետն եմ վերցրել նոր առարկայական չափորոշիչներից):
ganjalyanyura 
Leave a comment